Nach zwei Stund Busfahrt vo Brisbane bin ich da im wunderschoene Byron Bay acho. Byron haet traumhafti Straend, vili shops und bars vo fascht jede abig livebands spilet. D natur isch unglaublich!! Die Tropische Pflanze und Palme. Und da flueget Voegel ume womer ide schwitz chan im Tierlade chaufe..
Min lieblingsplatz da isch de Tallow-Beach.Eifach traumhaft 7km Strand fuer dich elei! Niemert isch det ussert vilicht paar surfer.. Und de Strand isch nume 2min zfuess vom mim Studaentehuus. S Studaentehuus isch super gsi. Han det 6 Wuche gwonnt. Isch e super ziit gsi, me haend vil Abige uf de Terasse verbracht. Jetzt wohni imene Sharehouse(wg) mit Italiener vo da schaffet. Mega herzlichi luet!! Fuehl mich sehr wohl i dem hus.Daenn me cha nume i Studaentehus wohne waemmer en Studaent isch und ich han vor 2 wuche mini schuel abgschlosse. D schuel isch super gsi han e chlini klass gha und e super Lehrerin. Han vil glernt det, aber me aenglisch hani glernt dur s schwaetze jede tag. Da haets zimli vil schwizter, aber ich hans fascht immer vermiede mit daene zaeme si. Han da so vil super luet kaenneglernt vo verschidenschte Laender!!
Au en wunderschoeneplatz da in Byron isch s Lighthouse. Mir sind a eim morge ganz frueh ufgstande und mit de velos ufe gfahre zum de sunneufgang luege. Isch superschoen gsi! Han vili schoeni momaent gha da, zwei super tauchgaeng wohni vili leopardhaie, schildkrote, roche und vili fisch gsee han!! Oder woni vom Tallow Beach Delfin gse han!!
Jetzt gnuessi mini letschte 4 Taeg da in Byron, es isch noed eifach z gah vo da. Ich wird alles vermisse da vor allem all mini Fruende da!! Aber ich freu mich au zum me neui Plaetz gse!!
Ich fahr am saschtignacht mit em Bus uf Sydney. Det hani es Backpacker buechet fuer drue naecht. Daenn gahts mit eme Flug witer uf Tasmania. Det fahni a schaffe ufere Farm am 2. Maerz.
Vermisse eu alli ganz fescht!!!
in the studenthouse
at the school
the sharehouse
Bye my good friends in Byron!!! Snif..
Hi
